身邊有人去完 working holiday 後性格變差

Working Holiday 是一件美好的事,可以在年青的時間去第二個地方嘗試生活,了解多一點自己, 探索第二個可能性。不過我卻認為去working holiday 並非適合每一個人, 而我覺得去working holiday之前都要好好裝備自己。 只網上經常見到去完 working holiday 有得著的故事。而我身邊卻有一些人去完working holiday 後反而變得更差。

朋友一 :  去完Working Holiday 後卻失去工作動力, 每天都是混混噩噩生活

這個朋友, 去working Holiday 之前是在銀行工作, 本身都很喜歡做運動, 不過性格上就有點自大和自戀, 還記得他要去Working Holiday 的原因是因為覺得香港沒有機會所以試下去其他地方生活。 不過他去到澳洲的2年都只是從事農場工作, 並沒有為自己想拎PR 付出過嘗試做其他工作。2年過去了, 回港之後到現在卻沒有找一份工作, 有時做做下散工過日子。

這都不是重點, 重點是他的性格比之前更差, 他現在無法接受別人的批評, 只要有論點不合他意, 就會完全不理你, 而且比之前更固執, 有次勸他不要穿拖鞋行山都依然要穿, 只要自己覺得無問題就會不理會別人的感受。他這種有性格的思維, 在我們眼中是不尊重人的表現。

朋友二:  Working Holiday 過後染上賭隱, 經常遲到, 答應了的事卻做不到

朋友二是我在讀大學時認識的, 去之前本身都有拖延症的習慣, 有一日突然根我說要去法國Working holiday, 其實我都不太贊成他去, 因為他是借錢去working holiday 的。

不過最後都有去到法國, 去到法國後我們都很少跟他聯絡, 最多都係在whatspp文字交談下就算數, 回港之後整個人變得更懶更hea , 約他出來食飯都會例遲, 至少都遲半小時以上, 而他目前都會時常去比較香港和法國的生活對比, 又得閒笑我們辛苦工作為咩。回來香港只是工作了三個月, 就一直在家賭波賭馬, 甚至上網上賭場賭錢。問他為什麼不找工作, 他卻說在香港工作很白痴。

結語:
這兩位朋友應該是去完working holiday 後反而比之前更迷惘, 還未了解自己, 已經常比較兩地的生活差異以令到有咁嘅性格, 佢哋都應該視working holiday 係佢哋嘅避難所, 其實我覺得去working holiday 除咗可以一路返工一路去旅行之外, 更重要嘅就係搵到自己想做嘅事, 完成旅程之後找回自己, 有目標地去一直向前。

人越大,想約朋友出嚟簡單食個飯都越嚟越難

唔知大家有冇發現, 出咗嚟做野之後, 約一班死黨出嚟食一餐飯都開始越嚟越難呢..

你在你的死黨群組裏面去約佢哋出嚟食飯, 就正如「下個禮拜六不如我哋一齊去打邊爐啦!」
你滿以為好似讀書咁只要有人帶頭約, 就會一呼百應? 想得太多了!
實際上, 你的message send了出去, 過了幾個小時, 都沒有人回覆。


咁你可能會話, 佢哋返工好多嘢做唔得閒覆你啫, 大家都出黎做野, 邊會好似細個咁得閒丫!  沒錯, 因為我自己工作的時候都唔會玩手機, 但當你見到佢哋喺 Facebook 有時間share 無聊嘢, 又或者like 八卦新聞, 你就知道佢哋一直都睇到你個message, 只係選擇唔覆

當然, 你真心想大家成功約出黎食飯見見面增進友誼, 可能會再問多佢哋一次, 佢哋見到你第二次的message , 開始有些回應, 不過唔好太開心, 因為嗰啲回應都唔係你想要嘅答案。

「我問問」
「可唔可以唔好打邊爐呀」
「未知」

第一, 「我問問 」已經覺得好奇怪, 我是問你本人, 你卻回我 「我問問 」, 雖然我明白你可能出街要經女友批准 ( 雖然我完全唔明點解要比女友批准) , 但我要的是確認日子, 唔係睇你想做咩。

第二, 「可唔可以唔好打邊爐呀」個答案是我好憎嘅答案, 點解? 因為提出的人永遠會ban你的意見, 但從來都唔會提供solution , 再者, 佢都冇回到我當日得唔得。

第二, 「未知」直頭討厭, 因為佢話比你知我當日冇野做, 可以去食飯, 但個日子如果有其他人約我, 我會先預留比佢先。

當你過左幾個鐘, 甚至幾日後, 大家都係無反應, 你就自自然然無名火起, 開始喺 group度呢語氣講野比較重, 之後大家都由約食飯, 變成大家返工鬥慘, OT 鬥長 , 鬥邊個辛苦的激烈討論。

「我工作好忙嫁! 日日都要OT , 唔似你地D 工咁可以朝九晚六準時放工嫁」
「我放左工仲要去返學, 你返屋企hea 果時我要做功課呀」
「你地講到自己好慘咁, 我仲要搞結婚的野, 唔得閒日日同你地吹水」

當你見到大家由約食飯變成一個罵戰時, 你就會諗, 如果我地生活的地方唔係在香港, 會唔會變成今日咁連食個飯都可以約到嘈交呢? 但其實當佢地不斷鬥自己有幾鬥慘的時候, 自己都是有工作, 有時都需要OT, 點解仲要咁白痴繼續約佢地呢班「大忙人」出黎食飯呢?

因為我覺得, 朋友能夠相遇真係好難得, 雖然大家各有各忙, 但都希望可以定期見面, 聚舊, 有好事分享, 有問題分擔。最後大家激烈討論完都約到一個時間出黎食飯, 當日出黎食飯, 咪又係拎番大家吐苦水的野黎講笑。

希望大家都可以珍惜一下你們的朋友,因為朋友唔見, 以後可以唔駛見

想儲錢?首要條件就是要懂記帳!

現在香港地百物騰貴,土地供應又不足,人工又搵得雞碎咁多,份糧夠用就己經偷笑啦,仲諗住去儲錢? 你咁諗就大錯特錯了! 就是愈窮才要儲錢,財富就是這樣累積。

no money

我地都好想做好多好多野, 不過金錢就是一個問題

為自己要一個儲錢計劃

筆者我都是跟大家一樣打工仔一名,得萬幾蚊過活,但都靠自己一分一毫去過二十幾個國家遊覽過。其中學懂儲錢就是其中一個重要環節。雖然講理財我一定唔夠班, 但都分享一下我是如何做我的儲錢計劃。

儲錢前一定要知道錢用在那

有時食飯大家都會話無錢,糧尾。其實有可能支出在多餘的位置,但究竟點先可以知道那項支出是多餘,答案就是要靠記帳。

要懂得用記帳應用程式

其實坊間有好多app都己經出左唔少的記帳app, 而我就重點介紹我用的「鯊魚記帳」,因為它的版面設計簡單,而且有很多預設的項目選擇,無須每次都要寫上項目名,如果有些項目想命名,它都可以做到。

此外記帳項目的時間可以選擇,系統並唔會因爲當日過了記不回之前的支出。 最後你可以點下圖表就可以看到一個清晰的支出分布,檢查那一種項目是你支出得最多。

呢個app 可以把每日所用的支出都記錄, 簡單易用, 例如你今日食飯用左40蚊, 就可以選擇番餐飲, 再輸入40 就即時記錄。

仲可以因應自己的喜好隨時自訂項目, 方便自己。

只要一打開app 你就好清楚當日用左幾多錢, 可以監察自己的用錢情況。

只要按下圖表, 就有一個清晰的支出分布,檢查那一種項目是你支出得最多, 如果花費超出預算, 都可以一目了然, 從而做出改變。

結語:

記帳是理財的重要程序,利用記帳APP 可以清楚自己的支出狀況。希望大家都可以做到每日記帳的習慣,制定你想達到的目的!